Líkamsleifar hafa fundist á lóð sem kanadíski garðyrkjumaðurinn Bruce McArthur hafði aðgang að, en Bruce þessi er talinn vera einn afkastamesti fjöldamorðini í sögu landsins. Hann er grunaður um að hafa myrt minnst átta karlmenn á nokkurra ára tímabili.

McArthur var handtekinn 18. janúar en lögregla telur að hann hafi myrt samkynhneigða karlmenn og komið líkamsleifum þeirra fyrir í blómapottum meðal annars.

Lögreglan telur að McArthur hafi komist í kynni við karla í gegnum stefnumótaöpp og síður og hafi síðan hitt þá á börum í Gay Village hverfinu í Toronto. Hann er talinn hafa myrt mennina frá 2010 til 2017. Lögreglan hóf í vor rannsókn á 15 óleystum mannshvörfum frá 1975 til 1997 til að kanna hvort McArthur tengist þeim.

Líkamsleifarnar fundust í garði húss í Toronto en í umræddu húsi var áhaldageymsla fyrirtækis hans. Að sögn lögreglu hafa ekki enn verið borin kennsl á líkamsleifarnar sem fundust.

Kennsl hafa verið borin á sjö karlmenn; Selim Esen, Skandaraj Navaratnam, Andrew Kinsman, Majeed Kayhan, Dean Lisowick, Soroush Mahmudi, Abdulbasir Faizi og Kirushna Kumar Kanagaratnam. Áttunda mannsins sem Bruce er grunaður um að hafa myrt, Majeed Kayhan, er enn saknað.