,,Þetta var gaman ég fékk þrjá stóru laxa. Tvo 90 cm og þennan 97 cm og ég þurfti að taka vel á þessum stærsta,“ sagði Bjarki Már Jóhannsson sem var að koma úr Blöndu með flotta laxa og einn 20 punda.
Fyrsti 20 punda laxinn sem veiðist á þessu veiðitímabili í veiðiánum og örugglega ekki þann síðasta.
,,Já, ég tók fast á þessum stóra en þetta var bara gaman. Það var kropp þarna en flottir fiskar sem komu á land,“ sagði Bjarki Már hress með stærsta laxinn í sumar.
Mynd. Bjarki Már Jóhannsson með 20 punda laxinn úr Blöndu.
