Tara Margrét Vilhjálmsdóttir, formaður Samtaka um líkamsvirðingu, mun hafa í nógu að snúast á laugardag þegar gengið verður til sveitarstjórnarkosninga. Hún segir:

„Á kjördag stend ég í ströngu þar sem mér er boðið í fimm útskriftarveislur og eitt afmæli. Eins og gefur að skilja kemst ég ekki í allar veislurnar en ég mun gera mitt besta til að fagna með nýstúdentunum. Ég mun svo að sjálfsögðu nýta kosningaréttinn og ég ætla að veðja á að niðurstöður verði í samræmi við skoðanakannanir og að meirihlutinn haldi. Ég vonast þó til að sjá Kvennahreyfinguna og Sósíalistaflokkinn koma sterk inn. Þessir tveir flokkar eru ferskir straumar í pólitíkinni og ég er mjög hrifin af áherslum þeirra.“