Þetta hefur í för með sér að framvegis verður hægt að sakfella fólk fyrir nauðgun þótt það beiti ekki ofbeldi eða hótunum til að koma fram vilja sínum. Þetta á einnig við þegar fórnarlambið getur ekki veitt mótspyrnu sökum aðstæðna.
Lögin hafa verið gagnrýnd af lagaráðinu, sem dómarar sitja í, en ráðið skoðar sum lagafrumvörp ofan í kjölin áður en þau eru lögð fyrir þingið. Ráðið segir að lögin séu ekki nægilega skýr.
Ríkisstjórnin brást við þessu með því að láta útskýringar fylgja með frumvarpinu en í þeim kemur fram hvernig dómstólar eiga að taka á sumum málum.
Til dæmis kemur fram að þegar mat er lagt á hvort fólk tók þátt í kynlífi af fúsum og frjálsum vilja skuli leggja mat á hvort viðkomandi tjáði sig með orðum, aðgerðum eða á annan hátt.
Frumvarpið varð til í kjölfar MeToo hreyfingarinnar á síðasta ári.