Joshua Wicks fyrrum markvörður Þórs Akureyri hefur heldur betur komið sér í klandur í Svíþjóð.
Wicks lék með Þór frá 2013 til 2014 en hefur síðan þá verið í Svíþjóð.
Hann hefur verið að spila með Sirius í úrvalsdeildinni í Svíþjóð en sú dvöl er á enda.
Kókaín fannst í Wicks þegar hann var sendur í lyfjapróf og hefur knattspyrnusambandið í Svíþjóð tekið hart á málinu.
Wicks hefur nefnilega verið dæmdur í bann í 7981 ár ef marka má heimasíðu sænska sambandsins.
Bannið gildir til ársins 9999, algjört lífstíðarbann á markvörðinn litríka sem virðist hafa vilst á ranga braut í lífinu.
Joshua Wicks har det kämpigt nu. Avstängd av Svenska Fotbollförbundet i 7981 år! pic.twitter.com/TyiVckAmYT
— Christopher Kviborg (@chkvi) May 10, 2018
