Girðingar, hlið, aðgangskerfi - hentugar og öruggar lausnir

Fyrirtækið Öryggisgirðingar býður upp á heildarlausnir í girðingum, hliðum og aðgangskerfum. Fyrirtækið er umboðsaðili fyrir afar virta og leiðandi framleiðendur á þessu sviði, meðal annars Parking-Facilities á Englandi, sem framleiðir hraðhlið. Slík hlið hafa verið sett upp á ýmsum stöðum hér á landi í seinni tíð, meðal annars við nýja fangelsið á Hólmsheiði og við nýjan inngang hjá Eimskipum í Sundahöfn.

Um þessar mundir kynna Öryggisgirðingar ehf. sjálflokandi leikskólahlið, en það er nýjung sem eykur mjög öryggi barnanna okkar.

Öryggisgirðingar ehf. er einnig umboðsaðili fyrir enska fyrirtækið Zaun sem framleiðir meðal annars grindur hvort sem er eftir málum eða hönnun, og er einnig með svokallaðar hljóðlausar girðingar sem henta einstaklega vel fyrir íþróttavelli. Slík girðing er kringum nýja Framvöllinn í Úlfarsárdal.

Öryggisgirðingar ehf. sáu um girðingar í kringum nýja fangelsið á Hólmsheiði

Öryggisgirðingar ehf. eru umboðsaðili fyrir ítalska fyrirtækið CAME sem er leiðandi framleiðandi í hliðbúnaði, bílastæðahliðum og aðgangsstýringum. Auk þess er fyrirtækið með hússtjórnunarkerfi, þjófavarnarbúnað, aðgangsstýringu og ljósabúnað.

Járnsmíði

Fjölbreytt járnsmíðavinna er hjá Öryggisgirðingum þar sem boðið er upp á sérsmíði á flestu sem viðskiptavininum dettur í hug, t.d. hliðum, handriðum og stigum. Auk þess fást ýmsir íhlutir til hliðsmíða, læsingar og lamir.