Monchi, yfirmaður íþróttamála hjá Roma segir að félagið hafi þurft að selja Mohamed Salah í sumar.

Liverpool tók á móti Roma í undanúrslitum Meistaradeildarinnar í gærdag en leiknum lauk með 5-2 sigri liðsins.

Salah var magnaður í leiknum og skoraði tvö mörk og lagði upp önnur tvö en hann gekk til liðs við Liverpool frá Roma, síðasta sumar.

„Við urðum að selja hann, það var ekkert annað í stöðunni en að selja hann fyrir 30. júní,“ sagði Monchi.

„Við værum eflaust ekki í undanúrslitum Meistaradeildarinnar ef við hefðum haldið honum, UEFA var að fylgjast vel með okkur á þessum tíma.“

„Við vildum aldrei selja hann en það var ekkert annað í stöðunni. HAnn vildi fara og við vorum á hálum ís hjá UEFA,“ sagði Monchi að lokum en félagið hafði brotið FFP reglur UEFA og varð að losa sig við leikmenn.