Sjónvarpið flutti sérlega áhugaverða frétt um skuldaniðurfærslu í kvöld.
Þar kom meðal annars fram að niðurfærsla vegna 110 prósenta leiðarinnar er 43,6 milljarðar króna.
En svo koma nokkrir stórtækir skuldarar sem hafa fengið sérstaka þjónustu í kerfinu og meira niðurfellt en öll heimilin í landinu samanlagt, hvort sem eiga í hlut ólöglegu gengislánin eða verðtryggð lán – eða eins og segir í fréttinni:
„Arionbanki felldi niður 30 milljarða skuld 1998 ehf, sem var að stórum hluta í eigu Jóns Ásgeirs Jóhannessonar.
Landsbankinn felldi niður allt að 50 milljarða skuld Magnúsar Kristinssonar, útgerðarmanns í Vestmannaeyjum.
Arionbanki felldi niður skuldir Kjalar, eignarhaldsfélags Ólafs Ólafssonar, upp á 88 milljarða króna.
Landsbankinn felldi niður 20 milljarða skuld Guðmundar Kristjánssonar í Brimi.
Skuldir N1 upp á 17 milljarða voru felldar niður.“
