Lögfræðingar sem ég hef talað við hafa sagt að mál Baldurs Guðlaugssonar hafi alla tíð verið borðleggjandi.
Hæstiréttur virðist vera á sömu skoðun því rétturinn staðfesti áðan dóm Héraðsdóms þess efnis að Baldur skyldi sæta tveggja ára fangelsi fyrir innherjasvik og brot í opinberu starfi.
Samkvæmt frétt Vísis vildi einn dómari vísa öllu málinu frá, það er dómarinn Ólafur Börkur Þorvaldsson, sem mikill styrr stóð um fyrir nokkrum árum þegar hann var settur í Hæstarétt.
