Bloggarinn Sophie Hannah Richardson ákvað eftir að hafa lesið um nefhár að sýna fylgjendum sínum á samfélagsmiðlum nýja aðferð við að nota fölsk augnhár. En það sem hún ætlaði sem grín snerist upp í andhverfu sína og hefur hún fengið yfir sig aragrúa af reiðum skilaboðum.

Sophie Hannah Richardson las grein um að nefhár væru að verða það nýjasta nýtt og eitthvað sem allir ættu að vera með.

Í gríni ákvað hún að gera og pósta myndbandi þar sem að hún sýnir hvernig nota má fölsk augnhár til að fá nefhár. Fljótlega byrjuðu notendur Facebook að pósta neikvæðum skilaboðum undir myndbandið. Fólk virtist ekki skilja grínið og sagði Richardson „móðgandi“ og „ógeðslega.“

„Ég sá grein um að nefhár væru nýjasta æðið. Ég hafði ekki séð neitt kennslumyndband um þau, þannig að ég hugsaði bara „af hverju ekki?,“ sagði Richardson við Mirror Online.

„Eftir að ég póstaði myndbandinu tók fullt af fólki því mjög alvarlega, sem að mér fannst fyndið. Ein kona skirfaði að ég myndi aldrei gifta mig, eignast börn eða hús.“

Richardson vinnur sem fegurðarbloggari í fullu starfi og hefur gert myndbönd síðastliðin þrjú ár. Hún er með yfir 90 þúsund fylgjendur á Facebook og fjölda fylgjenda á Instagram og blogginu hennar.

„Yfirleitt fá póstarnir mínir jákvæðar viðtökur. Ég svara aldrei neikvæðum skilaboðum, því að það kyndir bara undir þeim.“

Richardson, sem þrátt fyrir neikvæð skilaboð konunnar sem getið er að framan, mun gifta sig á næsta ári og segist alltaf vera í leit að næsta fegurðar fegurðaræði.

„Ég er alltaf í leit að einhverju nýju, sérstaklega ef að það felur í sér glimmer,“ segir hún. „En ég held að nefhár muni ekki ná vinsældum.“