Það er ástæða af hverju Grey‘s Anatomy er einn vinsælasti þáttur sem sýndur hefur verið í sjónvarpi og stendur ennþá sterkur eftir 13 ár á skjánum. Fyrir þá sem ekki þekkja fjalla þeir um líf og störf lækna og læknanema á sjúkrahúsi í Seattle, Ellen Pompeo fer með aðalhlutverkið, Dr. Meredith Grey í þáttunum.
Í viðtali við Hollywood Reporter ræddi Pompeo um erfiðleikana bak við myndavélina, þá helst baráttuna fyrir því fá jafn mikið borgað og karlkyns aðalleikarar, þá sérstaklega Patrick Dempsey sem lék McDreamy.
„Þegar Patrick yfirgaf þættina árið 2015 þá opnaðist allt í samningaviðræðunum,“
segir Pompeo. Hún segir að framleiðendur þáttanna hafi alltaf notað Dempsey í samningaviðræðum við hana og sagt ítrekað að þeir þyrftu ekki hana því þeir höfðu hann:
„Ég veit ekki hvort þeir notuðu þetta á hann líka því við ræddum aldrei um samningana okkar. Ég reyndi oft að fá hann til að semja með mér en hann hafði aldrei áhuga. Einu sinni bað ég um að fá borgað 5 þúsund dollurum meira en hann því að ég leik Meredith Grey og þættirnir heita Grey‘s Anatomy. Þeir höfðu engan áhuga á því.“
Þegar Dempsey fór tókst Pompeo loks að fá samning sem hún gat verið ánægð með, í dag er hún með 575 þúsund dollara á þátt og er hæst launaða leikkona í sjónvarpi í dag.
