,,Við erum búnir að koma okkur í frábæra stöðu,“ sagði Ragnar Sigurðsson varnarmaður Íslands við 433.is í Helsinki í dag.

Liðið æfði í Helsinki í dag en leikið er við Finnland í undankeppni HM á laugardag og síðan Úkraínu á Laugardalsvelli á þriðjudag.

Strákarnir eru á toppi riðilsins ásamt Króatíu og fjórir leikir eru eftir, það er því mikið undir.

,,Við horfum á þessa tvo leiki sem leiki sem við eigum að vinna, maður hefur hugsað mikið um þessa leiki. Maður hefur hugsað rosalega mikið um þetta.“

Ísland vann fyrri leikinn í riðlum með mikilli dramatík í Laugardalnum þar sem Ragnar skoraði sigurmarkið á 96. mínútu.

,,Þeir líta á fyrri leikinn sem stolinn sigur af þeim, ég skil það alveg. Markmaðurinn hjá þeim átti einn besta leik sem ég hef séð markvörð spila.“

Viðtalið er í heild hér að ofan og neðan.