Sara Björk Gunnarsdóttir, leikmaður íslenska kvennalandsliðsins, var spennt er við ræddum við hana fyrir brottför til Hollands í dag.

Íslenska landsliðið var kvatt á skemmtilegan hátt með flottu myndbandi en liðið er á leið á EM 2017.

,,Það er ótrúlega gaman að sjá þetta myndband. Maður fékk bara kökk í hálsinn og stuðningurinn er geggjaður sem við erum að fá,“ sagði Sara.

,,Maður labbaði hér í gegn og að fá þennan stuðning er rosaleg. Það kemur bara enn meiri pressa.“

,,Þetta er að bresta á. Við vorum aðeins léttari á æfingu í morgun en svo fer maður í fötin og fer upp á Leifsstöð og nú er maður kominn með mikinn fiðring í magann.“