Andre Silva, sóknarmaður AC Milan er á óskalista Everton en það er TalkSport sem greinir frá þessu.
Sam Allardyce tók við liðinu í haust af Ronald Koeman og fékk Cenk Tosun til félagsins á dögunum.
Hann vill hins vegar bæta við öðrum sóknarmanni í glugganum en Silva kom til Milan síðasta sumar fyrir 38 milljónir evra.
Hann hefur aðeins skorað 8 mörk fyrir félagið á leiktíðinni en þau hafa öll komið í Evrópudeildinni.
Milan er sagt vilja losna við leikmanninn og er Allardyce sagður tilbúinn að rífa upp veskið fyrir portúgalska sóknarmanninn.
