Thorgan Hazard, sóknarmaður Borussia Mönchengladbach er í dag orðaður við Chelsea en það er Bild sem greinir frá þessu.

Bræður hans tveir, þeir Eden Hazard og Kylian Hazard spila báðir með Chelsea en sá fyrrnefndi hefur verið orðaður við brottför frá félaginu að undanförnu.

Real Madrid hefur mikinn áhuga á honum og samkvæmt enskum fjölmiðlum vill Hazard reyna fyrir sér á Spáni.

Thorgan Hazard var leikmaður Chelsea á árunum 2012-215 en spilaði aldrei aðalliðsleik fyrir félagið og var lánaður til ZUlte Waregem og svo Mönchengladbach áður en þýska félagið keypti hann árið 2015.

Hann hefur staðið sig vel í Þýskalandi á þessari leiktíð og hefur skorað 7 mörk og lagt upp önnur 3 í 20 leikjum fyrir félagið.