Phillipe Coutinho er gengin til liðs við Barcelona en þetta var tilkynnt í kvöld.
Kaupverðið er 146 milljónir punda og skrifar hann undir fimm og hálfs árs samning við spænska félagið.
Félagaskiptin hafa legið lengi í loftinu en Barcelona lagði fram þrjú tilboð í leikmanninn, síðasta sumar.
Sky Sports greinir frá því í kvöld að Coutinho sé með mjög háa klásúlu í nýjasta samningi sínum.
Hún hljóðar upp á 355 milljónir punda en hann kom til Liverpool árið 2013 fyrir 8,5 milljónir punda.
