Virgil van Dijk varð á dögunum dýrasti varnarmaður heims þegar Liverpool borgaði Southampton 75 milljónir punda fyrir hann.

Félagaskiptin hafa legið lengi í loftinu en hann var sterklega orðaður við Liverpool, allt síðasta sumar.

Neil McGuinnes, fyrrum njósnari hjá Celtic sá Van Dijk spila með Groningen og heillaðist mikið af leikmanninum sem varð til þess að skoska félagið keypti hann árið 2013.

„Ef þú þarft að punkta niður alla kostina sem góður miðvörður þarf að hafa þá tikkar hann í öll boxin,“ sagði McGuinnes.

„Hann er með einn veikleika hins vegar því stundum slökknar á honum þegar að liðið hans er í þægilegum málum. Það er hans stærsta vandamál.“

„Hann er mjög snöggur og hann veit að hann getur hlaupið menn uppi ef hann missir þá aftur fyrir sig en þetta er sá þáttur sem hann þarf að bæta hjá sér.“

„Bestu miðverðirnir í dag eru með einbeitinguna í lagi, alltaf og ef hann nær að kveikja í sér og einbeita sér í 90. mínútur, sama hver staðan er í leiknum þá getur hann orðið sá besti,“ sagði hann að lokum.