Didier Drogba fyrrum sóknarmaður Chelsea segir að sinn gamli stjóri, Jose Mourinho hafi mikla trú á Paul Pogba miðjumanni sínum hjá Manchester United.
Samband Pogba og Mourinho hefur mikið verið í fréttum eftir að miðjumaðurinn fór að eyða talsverðum tíma á varamannabekknum.
Drogba segir að samband þeirra sé gott og að Mourinho hafi mikla trú á Pogba.
,,Það voru stundum læti á milli okkar, Mourinho gagnrýnir ekki leikmenn sem honum er illa við,“ sagði Drogba.
,,Hann er mjög hrifinn af Pogba og hefur mikla trú á honum, þess vegna hefur hann fengið mikla ábyrgð.“
