„Það virðist vera lögmál að tröllin munu fá að sigra ef við leyfum þeim að grassera“
„Það virðist vera lögmál að tröllin munu fá að sigra ef við leyfum þeim að grassera og tröllin eyðileggja út frá sér,“ segir Ásta Guðrún Helgadóttir, þingmaður Pírata en hún vill meina að verið sé að eyðileggja Píratastpjallið af einstaklingum sem leitist við að afvegaleiða umræðun með leiðindinum og tröllslátum. Pírataspjallið er óformlegur samræðuvettvangur stuðningsmanna Pírata á samskiptamiðlinum Facebook.
Þetta kemur fram á Eyjunni og er vísað þar í færslu Ástu á Pírataspjallinu sjálfu. Segir hún að lýðræðisleg umræða þurfi að einkennast af því að fólk hafi vettvang til þess að geta átt í skoðanaskiptum, án þess að vera kaffært í einhverju suði, eða af internettröllum.
Stingur hún meðal annars upp á einskonar lýðræðisbyltingu á Pírataspjallinu, þar sem hægt væri að samþykkja siðareglur spjallsins í krafti fjöldans sem byggðu á grunngildum Pírata. Þá stingur hún einnig upp á að haldinn verði málfundur um Pírataspjallið.
„Bjóða tröllunum og spurja afhverju þeir eru að nota þetta spjall til að markvisst afvegaleiða umræðuna og vera með leiðindi og tröllslæti. Byrja á þvi að spjalla hvað viljum við frá Pírataspjallinu og hvað hefur virkað vel annarsstaðar.“
Hér má lesa frétt Eyjunnar í heild sinni.