Sauna.is: Leiðandi í saunavörum á Íslandi

Fyrirtækið Sauna.is hefur frá upphafi sérhæft sig í uppsetningu, sölu og þjónustu á TYLÖ sauna- og gufuklefum. Starfsemi fyrirtækisins hefur snúist um að þjónusta sundlaugar, líkamsræktarstöðvar, hótel/gistihús og heimili.
Páll S. Kristjánsson framkvæmdastjóri segir að Sauna.is hafi tekið við TYLÖ umboðinu af Vatnsvirkjanum sem hafði þjónustað TYLÖ saunavörur í yfir 40 ár með góðum árangri:

„Uppsöfnuð reynsla og sérþekking meðal starfsmanna fyrirtækisins er mikil enda hefur Sauna.is unnið að uppsetningu og þjónustu sauna- og gufuklefa í mörgum byggingum og fyrirtækjum landsins,“ segir Páll. „Sauna.is er því alhliða þjónustufyrirtæki sem selur, setur upp og veitir lausnir á þessu sviði. Við bjóðum viðskiptavinum okkar einnig þjónustu við ráðgjöf og eftirlit með sauna- og gufuböðum.“

Endurnærandi fyrir líkama og sál

„Það er vitað að hófleg notkun saunu og gufubaða er talin mjög heilsusamleg,“ segir Páll. „Þau hafa bæði almennt góð áhrif á blóðrásina og auka vellíðunarkennd vegna streitulosandi áhrifa. Margar rannsóknir hafa sýnt fram á samhengi á milli mikillar streitu og aukinnar tíðni kransæðasjúkdóma. Góð stund í sauna- eða gufuklefa getur reynst endurnærandi fyrir líkama og sál nútímamannsins, þar sem hann nýtur kyrrðar og slökunar til hins ítrasta,“ segir Páll.

Nútímalausnir í gufu- og saunaklefum

Sauna.is selur allar gerðir af saunaklefum þ.e. blautgufu, mildgufu og þurrgufu. Að auki eru á boðstólum ýmiss konar ilmolíur, fylgi- og aukahlutir og vefnaðarvörur. Páll hvetur fólk til þess að kynna sér vöruúrvalið á heimasíðu Sauna.is eða líta við í heimsókn í verslunina á Smiðjuvegi 11.