Brad Holmes fékk að kenna á því um liðna helgi, þegar kærastan hrekkti hann með ansi kvikindislegum hætti. Lét hún hann halda að hann hefði haldið framhjá henni.

Brad, hefur verið iðinn við að hrekkja kærustu sína og birta myndskeið af ótuktarskapnum á samfélagsmiðlum. Í þetta skiptið fékk hann á baukinn og hafa 300 þúsund horft á hrekkinn á Facebook. Brad vaknaði með mikla timburmenn og við hliðina á honum var smokkur og leist honum ekki á blikuna.

Netverjar hafa litla samúð með Brad og segja að hann hafi átt þetta skilið eftir alla hrekkina sem kærastan hafi orðið fyrir af hans hálfu. Hér fyrir neðan má sjá myndskeiðið.