Söngkonan og lagahöfundurinn Dagbjört Rúriksdóttir er forvitin um hvort hún eigi einhvers staðar tvífara og leitar að slíkum í hópi á Facebook sem kallast Find Your Doppelgänger. Þar deilir hún mynd af sér og segir: „Forvitin, kveðja frá Íslandi.“

Hópurinn er ætlaður þeim sem vilja finna tvífara sína í heiminum en í lýsingu hópsins segir:

„Heldurðu að þú eigir tvíbura einhvers staðar í heiminum? Gangtu til liðs við okkur og finndu fólk sem lítur út eins og þú! Alþjóðlegt samfélag þar sem líkindi leiða okkur saman á skemmtilegan, virðingarfullan og spennandi hátt. Deildu, skoðaðu og láttu koma þér á óvart!“

Meðlimir hópsins eru tæplega 15 þúsund talsins og ekki stóð á svörum þegar Dagbjört deildi myndinni, en flestir telja að Dagbjörg eigi sér tvífara í Hollywood – leikkonuna Scarlett Johansson. Fleiri nöfn hafa þó verið nefnd, eins og til dæmis dóttir Bandaríkjaforseta, Ivanka Trump, leikkonan Hayden Panettiere, Jessica Beil, Emilia Clarke og fleiri.