Helgi Fannar og Hörður Snævar fóru yfir allt það helsta í Íþróttavikunni á 433.is.

Fjármál Barcelona hafa enn og aftur verið til umræðu síðustu daga. Mikið hefur verið fjallað um þessi mál síðustu ár og eru til að mynda dæmi um að Börsungar hafi afsalað sér framtíðartekjum til að bjarga nútíðinni.

„Þeir eru orðnir blankir enn á ný, búnir að klára peninginn sem þeir ætluðu að eyrnamerkja vellinum og þurfa að taka meira lán,“ sagði Hörður hneykslaður í þættinum.

Þetta breytir því ekki að Börsungar eru virkir á leikmannamarkaðnum, keyptu Anthony Gordon frá Newcastle á dögunum og virðast ekki hættir.

„Svo kaupa þeir Anthony Gordon á 70 milljónir punda. Ég botna ekki í því hvernig þetta rúllar þarna. Þetta er bara farsi.“

Þátturinn er í spilaranum.