Eiginkona Alphonse Areola, markvarðar West Ham, hefur gagnrýnt Nuno Espirito Santo harðlega eftir að félagið féll úr ensku úrvalsdeildinni.

West Ham vann Leeds 3-0 í lokaleik tímabilsins en það dugði ekki til þar sem Tottenham tryggði sér sigur gegn Everton og hélt sæti sínu í deildinni.

Marrion Valette, eiginkona Areola, birti nokkrar færslur á samfélagsmiðlum þar sem hún sagði Nuno um að hafa tekið markvörðinn út úr liðinu án skýringa, en hann spilaði lítið í deildinni eftir áramót.

„Frá Evrópumeistara í fall. Takk Potter fyrir byrjun tímabilsins og Nuno fyrir endinn,“ skrifaði hún meðal annars.

Hún gagnrýndi einnig að Areola hefði misst sæti sitt í franska landsliðshópnum fyrir HM í sumar og skrifaði: „Ekkert HM í ár, takk Nuno.“

Óvíst er hvort Nuno haldi starfi sínu eftir fall West Ham í Championship-deildina.