
Það er ljóst að Declan Rice hefur enn tilfinningar til West Ham þó hann hafi nú verið leikmaður Arsenal í næstum þrjú ár.
Miðjumaðurinn lyfti Englandsmeistaratitlinum með Arsenal í gær, en hann hefur verið ótrúlegur fyrir liðið frá því hann var keyptur frá West Ham árið 2023 á 105 milljónir punda.
Gamla lið hans féll úr ensku úrvalsdeildinni í gær og á þessum mikla gleðidegi fyrir hans núverandi lið tók hann sér tíma til að kynna sér stöðuna hjá West Ham.
Liðið féll úr úrvalsdeildinni í gær þrátt fyrir að hafa unnið Leeds örugglega á heimavelli, því Tottenham vann sinn leik gegn Everton á sama tíma.
Rice fussaði og sveiaði þegar hann sá úrslitin í fallbaráttunni og náðist það á upptöku, eins og sjá má hér að neðan.
This really hurts to see man…
Declan Rice finding out West Ham are relegated
He still loves us ⚒️🥹#whu #whufc @_DeclanRice pic.twitter.com/S8BhlbCHBf
— Louis ⚒️ (@louisgalman07) May 24, 2026