Sögusagnir eru uppi um að Kylian Mbappe, framherji Real Madrid, sé farinn að hitta spænsku leikkonuna og fyrirsætuna Ester Exposito.

Myndir fóru á flug á samfélagsmiðlum um helgina þar sem þau sjást saman á veitingastað með útsýni yfir Eiffelturninn í París. Á einni mynd sjást þau sitja saman í sófa og á annarri virðast þau kyssast.

Síðar voru þau einnig mynduð þegar þau stigu út úr einkaflugvél eftir að hafa lent í Madríd.

Exposito, sem er 26 ára, er þekktust fyrir hlutverk sitt í Netflix-þáttunum Elite. Hvorki hún né Mbappe hafa staðfest sambandið opinberlega.

Málið hefur vakið athygli þar sem Exposito var fyrir nokkrum árum einnig orðuð við liðsfélaga Mbappe hjá Real Madrid, Vinicius Junior.