Kevin-Prince Boateng fagnaði á dögunum 38 ára afmæli sínu og að því tilefni rifjaði breska götublaðið Daily Star upp skemmtilega sögu af kappanum.
Boateng kom mjög víða við á ferlinum, til að mynda hjá AC Milan, Barcelona og Tottenham, svo örfá dæmi séu nefnd. Hann glímdi þó gjarnan við meiðsli.
Fyrrverandi eiginkona hans, Melissa Satta, vakti mikla athygli árið 2012 þegar hún sagði í viðtali við Gazzetta dello Sport að meiðslavandræði Boateng gætu tengst mjög reglulegu kynlífi þeirra á þeim tíma.
„Við stundum kynlíf 7-10 sinnum á viku,“ sagði hún, en nokkrum árum síðar kvaðst hún reyndar sjá eftir þessum ummælum sínum. Þau passa þó allavega ef horft er til meiðsla leikmannsins á ferlinum.
Hann lagði skóna á hilluna árið 2023 eftir langan atvinnumannaferil.
