Archie Gray, ungur leikmaður Tottenham, er orðaður við stórlið Bayern Munchen og Real Madrid þessa dagana.
Þrátt fyrir að vera aðeins 19 ára gamall hefur Gray heillað í ensku úrvalsdeildinni með Tottenham og verið ljós punktur í erfiðu gengi liðsins.
Bayern og Real Madrid eru áhugasöm og horfa til þess hversu fjölhæfur miðjumaðurinn er, en hann getur einnig spilað í bakverði og jafnvel í miðverði.
Það er bent á að Leon Goretzka sé að fara frá Bayern í sumar og þá myndast pláss á miðjunni.
Gray verður þó ekki ódýr, en talið er að Tottenham vilji rúmar 50 milljónir punda fyrir hann.
