André Onana markvörður ætlar sér að berjast fyrir því að vinna aftur stöðu sína sem aðalmarkvörður Manchester United þegar lánsdvöl hans hjá Trabzonspor lýkur í maí.

Samkvæmt Telegraph er Kamerúnmaðurinn fullur sjálfstrausts og telur sig eiga góða möguleika á að fá nýtt tækifæri á Old Trafford. Onana fór á láni eftir erfiðan tíma hjá félaginu, þar sem frammistaða hans var undir væntingum og hann missti sæti sitt í byrjunarliðinu.

Hjá Trabzonspor hefur hann hins vegar fengið reglulegan leiktíma og unnið að því að endurheimta form sitt. Markvörðurinn er staðráðinn í að snúa aftur sterkari og sanna sig fyrir nýjum þjálfarateymi Manchester United.

Það verður hins vegar að teljast ólíklegt að Onana eigi nokkurn séns hjá United í sumar eftir frammistöðu Senne Lammens sem var keyptur til að fylla hans skarð.

Belginn hefur staðið sig afar vel og fært varnarlínunni öryggi, eitthvað sem Onana tókst aldrei.