Rúben Amorim fyrrum stjóri Manchester United, hefði viljað sjá United ganga frá kaupum á argentínska markverðinum Emiliano Martínez, jafnvel þótt það hefði þýtt hærra kaupverð og laun, samkvæmt Telegraph.
Félagið fór þó aðra leið á markaðnum. Fyrrum markvarðaþjálfarinn Tony Coton er sagður hafa þrýst mjög á að United myndi frekar sækja belgíska markvörðinn Senne Lammens.
Lammens hefur vakið athygli fyrir vaska framgöngu á sínu fyrsta tímabili á Englandi.
Coton hefur áður komið að ákvörðunum hjá félaginu og var meðal annars ekki sammála kaupum United á André Onana á sínum tíma.
Þessi mismunandi sjónarmið innan félagsins sýna að skiptar skoðanir hafa verið um hvaða markvörð ætti að styrkja liðið. Á meðan Amorim horfði til reyndari kosts í Martínez, vildu aðrir innan félagsins veðja á yngri og efnilegri markvörð.
