Manchester United er á eftir Pierre Kalulu, frönskum varnarmanni Juventus. Ítalska félagið vill framlengja samnig hans í ljósi þess.

Hinn 25 ára gamli Kalulu, sem kom til Juventus frá AC Milan fyrir síðustu leiktíð, hefur verið lykilmaður undir stjórn Luciano Spalletti.

Hann er eini útileikmaðurinn í deildinni sem hefur ekki misst af einni mínútu á tímabilinu í öllum keppnum.

Kalulu er með samning til 2029 en Juventus er til í að hækka laun hans úr 2,4 milljónum evra í 3,5 milljónir ef hann framlengir um ár til viðbótar.

Það er talið að Kalulu sé einnig að banka á dyrnar í franska landsliðinu í ljósi frammistöðu sinnar í Serie A.