Fiorentina hefur hafið viðræður við West Ham um möguleg kaup á Kyle Walker-Peters og Soungoutou Magassa, samkvæmt ítalska miðlinum Gazzetta dello Sport.

Walker-Peters, sem er 28 ára gamall, hefur skorað eitt mark og lagt upp annað í 18 leikjum á tímabilinu. Hann getur leikið bæði sem hægri og vinstri bakvörður og gæti aukið breiddina í vörn Fiorentina, sem skipti nýverið yfir í fjögurra manna varnarlínu.

Magassa, sem er 22 ára Frakki, hefur einnig skorað eitt mark og lagt upp annað, en aðeins leikið 15 leiki og samtals 808 mínútur á leiktíðinni. Hann getur leikið bæði sem miðjumaður og miðvörður.

Fiorentina er sem stendur í fallsæti í Serie A, en aðeins einu stigi frá öruggu sæti. Félagið hefur þegar verið virkt í janúarglugganum og fengið til liðs við sig Marco Brescianini, Manor Solomon, Giovanni Fabbian og Jack Harrison.

Albert Guðmundsson, einn allra besti leikmaður Íslands, er auðvitað á mála hjá Fiorentina.