Jóhannes Kristinn Bjarnason er líklega á leið til AB Kaupmannahafnar frá Kolding, sem einnig spilar í Danmörku, samkvæmt Sigurði Gísla Bond í Dr. Football.

Jóhannes gekk í raðir Kolding frá KR í sumar en hefur ekki tekist að festa sig í sessi í liðinu. Hefur hann verið orðaður við heimkomu en fer til AB miðað við þessar nýjustu fréttir.

Kolding er um miðja B-deild í Danmörku en AB er á toppi C-deildarinnar og því góðar líkur á að liðin spili í sömu deild í haust.

Fannar Berg Gunnólfsson stýrir AB og með liðinu leika Íslendingarnir Adam Ingi Benediktsson og Ægir Jarl Jónasson.