
Það urðu heldur betur óvænt úrslit í París í fyrrakvöld þegar Paris FC sló út nágranna sína og Evrópumeistara Paris Saint-Germain í franska bikarnum.
Paris FC er nýliði í efstu deild Frakklands og mættust liðin í fyrsta sinn í 48 ár í byrjun þessa árs. Þá hafði PSG betur, 2-1.
Liðin mættust svo í 32-liða úrslitum bikarsins aðeins nokkrum dögum seinna en þar hafði Paris FC afar óvænt betur, 0-1, og fer því áfram í 16-liða úrslit.
Jonathan Ikone skoraði sigurmarkið, en hann er uppalinn hjá PSG. Þar með er ljóst að PSG vinnur bikarinn ekki þriðja árið í röð.
CHAOS IN PARIS 😱
Paris FC eliminate defending champs PSG from the Coupe de France in the Round of 32 thanks to Jonathan Ikoné 🔥 pic.twitter.com/gDhEjv6oPH
— FOX Soccer (@FOXSoccer) January 12, 2026