Manchester United er við það að tilkynna Michael Carrick sem bráðabirgðastjóra félagsins innan næstu 48 klukkustunda, samkvæmt Daily Mail Sport.

Carrick, fyrrverandi leikmaður United, var staddur í borginni í dag þar sem hann kláraði viðræður um samning sem gerir honum kleift að taka við liðinu út yfirstandandi tímabil, eftir að Ruben Amorim var rekinn úr starfi.

Talið er að viðræður snúist nú að mestu um val á aðstoðarþjálfurum og öðru baklandi Carrick, sem hefur tafið formlega tilkynningu.

Vonast er þó til að Carrick og teymi hans verði komin til starfa fyrir æfingu á miðvikudag, þegar leikmenn United snúa aftur eftir tveggja daga frí.

Bæði Carrick og Ole Gunnar Solskjær áttu í viðræðum við stjórnendur United eftir brottför Amorim, en Carrick ku hafa staðið sig sérstaklega vel í þeim samtölum.

Darren Fletcher hefur stýrt liðinu tímabundið og náð 2-2 jafntefli gegn Burnley, auk þess sem United féll úr FA-bikarnum gegn Brighton & Hove Albion