Eddie Howe, stjóri Newcastle, hefur gagnrýnt reglubreytingu sem gerir Antoine Semenyo kleift að spila fyrir Manchester City í undanúrslitum deildabikarsins.
Semenyo, sem kostaði City um 64 milljónir punda, hafði þegar komið við sögu fyrir AFC Bournemouth í keppninni á þessu tímabili og hefði samkvæmt eldri reglum verið bikartengdur þeim og ekki mátt spila.
Reglur EFL leyfa nú hins vegar leikmönnum að spila fyrir allt að tvö félög í sömu keppni á einu tímabili, sem þýðir að Semenyo má spila gegn Newcastle í fyrri leik undanúrslitanna á St James’ Park í kvöld.
Howe sagði reglubreytinguna koma sér á óvart og viðurkenndi að hann væri ekki hlynntur henni. „Þetta er líklega ein reglubreyting sem ég myndi ekki styðja akkúrat núna,“ sagði hann.
Hann bætti þó við að Semenyo hefði átt frábært tímabil, hann væri mikill aðdáandi hans og hrósaði Manchester City fyrir að hafa tryggt sér mjög góðan leikmann.
