Marcus Rashford hefur unnið sinn fyrsta titil sem leikmaður Barcelona þegar liðið lagði erkifjendurna í Real Madrid, 3-2, í úrslitaleik spænska ofurbikarsins.

Rashford, sem er á láni hjá Barcelona frá Manchester United, kom inn á sem varamaður á 83. mínútu fyrir tveggja marka hetjuna Raphinha í leiknum sem fór fram í Sádi-Arabíu.

Hann var nálægt því að bæta fjórða markinu við undir lokin, en skot hans fór rétt framhjá marki. Á sama tíma og Rashford fagnaði titlinum féll Manchester United úr FA-bikarnum í þriðju umferð.

Rashford gekk til liðs við Barcelona eftir ósætti við fyrrverandi knattspyrnustjóra United, Ruben Amorim. Hann hefur skorað sjö mörk í 27 leikjum fyrir spænska stórliðið, þar af tíu sem varamaður.

Þrátt fyrir brottför Amorim benda fregnir til þess að Rashford snúi ekki aftur á Old Trafford. Barcelona er sagt ætla að virkja 26 milljóna punda kauprétt í sumar og gera félagaskiptin varanleg.