Arnar Daði Arnarsson og Styrmir Sigurðsson, sem stýra hlaðvarpinu og vefsíðunni Handkastið, voru gestir Helga Fannars í Íþróttavikunni á 433.is og hituðu upp fyrir EM í handbolta en ræddu fótboltann einnig.

Alfreð Finnbogason er orðinn yfirmaður knattspyrnumála hjá Rosenborg í Noregi, en landsliðsmaðurinn fyrrverandi kemur frá Breiðabliki.

„Það er ótrúlega flott hjá Alfreð að fá þetta gigg. Þetta er spennandi, Rosenborg hefur verið í smá basli undanfarið og önnur lið tekið fram úr þeim. Það er örugglega mikið verk að vinna en þetta er líka stökkpallur til að fara lengra,“ sagði Styrmir.

„Manni fannst það alltaf tímaspursmál hvenær Alfreð færi frá Íslandi, ef hann ætlaði að vera í þessum bransa, hann er það reynslumikill og klár,“ sagði Helgi.

Þátturinn í heild er í spilaranum.