Fyrrverandi leikmaður Manchester City, Martin Demichelis, og börn hans lentu í lífshættulegum aðstæðum í sjónum í Úrúgvæ um áramótin og þurftu aðstoð brimbrettamanna til að komast heilu og höldnu í land.

Sterkir straumar báru Demichelis og börn hans, Bastian (16), Lolu (12) og Emmu (8), auk frænku hans, Camilu, út frá ströndinni. Myndefni af björguninni hefur farið eins og eldur í sinu á samfélagsmiðlum í Argentínu og Úrúgvæ, og segja menn að kraftaverk sé að enginn hafi farist.

Brimbrettamenn brugðust skjótt við köllum eftir aðstoð. Á upptökum má sjá börnin halda sér í brimbretti á meðan þau eru dregin í átt að landi. Þegar hópurinn náði loks í land brutust út fagnaðarlæti frá fólki á ströndinni.

„Þetta er algjört kraftaverk. Þetta er mjög hættulegt svæði, sjórinn er djúpur og straumarnir gríðarlega sterkir,“ var haft eftir úrúgvæska blaðamanninum Gustavo Descalzi.

Atvikið átti sér stað 31. desember en fréttir af því komu fyrst fram nú á dögunum. Demichelis hefur ekki tjáð sig opinberlega um málið.

"Martín Demichelis"

Porque rescataron a él a y sus hijos del mar en una playa sin guardavidas.pic.twitter.com/WnnepbZQwj

— Tendencias en Argentina (@porqueTTarg) January 8, 2026