Unglingarnir Harry Amass og Chido Obi hjá Manchester United brugðust við opinberri gagnrýni frá Ruben Amorim með dularfullum færslum á samfélagsmiðlum.

Á föstudag var Amorim spurður út í takmarkað notkun sína á akademíuleikmanninum Kobbie Mainoo og nefndi í svari sínu bæði Amass og Obi, sem hann taldi ekki vera á því stigi sem krafist væri.

„Ég veit ekki hver framtíðin verður fyrir Mainoo. Sjáum hvað gerist eftir næsta leik,“ sagði Amorim. Hann bætti við að Amass ætti í erfiðleikum í Championship-deildinni og að Obi væri ekki alltaf í byrjunarliði U21 árs liðsins.

Í kjölfarið birti Amass færslu á Instagram-sögu sinni þar sem hann hélt á verðlaunum sem leikmaður mánaðarins hjá Sheffield Wednesday í nóvember, ásamt broskalli.

Færslunni var þó eytt innan fárra mínútna. Samkvæmt Daily Mail Sport er teymi Amass langt frá því að vera sátt við ummæli Amorim.

Obi, sem er meiddur um þessar mundir, svaraði á svipaðan hátt með mynd af sér fagna marki með U21 liði United, greinileg vísun í ummæli Amorim. Sú færsla var einnig fljótt fjarlægð og Obi tók tímabundið Manchester United úr lýsingu sinni á samfélagsmiðlum.

Báðir leikmenn fengu frumraun sína með aðalliði United undir stjórn Amorim á tímabilinu 2024–25, en ummæli stjórans um akademíuna hafa valdið undrun innan félagsins og virðast ekki hafa fallið í kramið hjá leikmönnunum.