Manchester United og Bayern Munchen eru sögð í baráttu um að landa hinum 16 ára gamla Ederson Castillo, einu mesta ungstirni suðuramerísks fótbolta um þessar mundir. Þetta kemur fram í fréttum í heimalandi hans, Ekvador.
Castillo, sem leikur með LDU Quito, hefur vakið mikla athygli eftir frábæra frammistöðu með unglingaliðum félagsins og gegndi lykilhlutverki þegar LDU tryggði sér sigur í U-19 deildinni á dögunum. Þrátt fyrir ungan aldur hefur hann þegar verið boðaður á æfingar með aðalliði félagsins.
United og Bayern eru talin leið kapphlaupið, en bæði Atletico Madrid og Anderlecht fylgjast einnig grannt með. Þrátt fyrir mikla eftirspurn mun hvaða félag sem fær Castillo þurfa að bíða eftir leikmanninum. Samkvæmt reglum FIFA má hann ekki ekki ganga til liðs við evrópskt félag fyrr en hann verður 18 ára.
United leggur nú áherslu á að ná í efnilega unglinga til að þurfa ekki að kaupa þá dýrt síðar. Má nefna Diego Leon því til stuðnings, en hann er frá Paragvæ og gekk í raðir félagsins nýverið.
