Þau virtust hafa fellt saman hugi við tökur á kvikmyndinni The Naked Gun en í haust greindu fjölmiðlar vestanhafs að sambandið hafi verið sett á svið til að vekja áhuga og auka sölu á kvikmyndinni.
Sjá einnig: Voru Pamela Anderson og Liam Neeson að plata?
En nú hefur Pamela loksins tjáð sig um málið og sagði að þau hafi verið saman í stuttan tíma eftir myndina.
„Við Liam vorum saman í stuttan tíma en bara eftir að við tókum upp myndina,“ sagði hún í samtali við People.
Hún sagði að þau hafi eytt dásamlegri viku saman heima hjá honum í New York þar sem þau hafi verið mjög náin og átt góðar stundir.
„Við skemmtum okkur vel. Ég var alltaf hlæjandi. Fólk hélt að þetta væri fjölmiðlaleikrit en þetta var raunverulegt. Tilfinningar okkar voru raunverulegar.“
En síðan fóru þau í sitthvora áttina að taka upp næstu verkefni og eru bara vinir í dag. „Ég dýrka Liam. En við erum betri vinir. Hann er mjög stuðningsríkur og segist vera stoltur af mér. Ég er viss um að við munum alltaf vera í lífi hvors annars,“ sagði hún.
Sjá einnig: Svona fann Pamela Anderson leiðina að hjarta mótleikara síns
