Kjartan Henry Finnbogason var gestur Helga Fannars Sigurðssonar í Íþróttavikunni, vikulegum sjónvarpsþætti á 433.is.
Íslenska karlandsliðið féll úr leik í undankeppni HM með tapi gegn Úkraínu á dögunum. Kjartan var á vellinum í Póllandi á vegum Sýnar og hafði þá tilfinningu að Úkraínumenn myndu skora á endanum, en það voru komnar meira en 80 mínútur á klukkuna er það gerðist.
„Já, mér leið ekki vel. Ég var búinn að sjá og lesa að einhverjum hafi ekki fundist þeir ógna neitt en tilfinningin var sú að við komumst ekki út,“ sagði Kjartan og hélt áfram.
„Svo fór hann að skipta alvöru framherjum inn á og við að fá á okkur þessar fyrirgjafir, þá er eitthvað sem gefur sig á endanum. Því miður varð það raunin.“
Umræðan í heild er í spilaranum.
