The Definitive Rat Pack metsölusýning frá West End í London kemur til Íslands í fyrsta skipti og verður sýnd í Eldborgarsal Hörpu 27. mars 2026.
Gullöld sveiflunnar þar sem Frank Sinatra, Dean Martin og Sammy Davis Jr., stórstjörnurnar úr hinum svokallaða Rat Pack sem tóku Las Vegas með trompi á sjöunda áratugnum, eru sem ljóslifandi í þessari einstöku og stórskemmtilegu sýningu.
The Definitive Rat Pack eru upprunalegir meðlimir úr hinni vinsælu West End sýningu The Rat Pack – Live from Las Vegas sem var sýnd í meira en fimm ár. Stephen Triffitt (Frank), George Daniel Long (Sammy) og Mark Adams (Dean) hafa í meira en tvo áratugi endurskapað skerf af skemmtanasögunni og líkt, af mikilli einlægni og ótrúlegri nákvæmni, eftir röddum og sviðs-persónuleikum þessara þriggja heimsfrægu söngvara.
Ásamt hinum heillandi Golddiggers bakraddasöngvurum og öflugri níu manna stórsveit (Big Band) skapa þeir félagar töfrandi tónlistarsýningu með þekktum lögum eins og Fly Me to the Moon, Chicago, My Way, That’s Amore, Ain’t That a Kick in the Head, Everybody Loves Somebody, Mr Bojangles, Mack the Knife og að sjálfsögðu New York New York svo nokkur séu nefnd.
The Definitive Rat Pack er ein af mörgum, alþjóðlegum sýningum sem breska fyrirtækið Jamboree Entertainment kemur með til landsins. Nú á dögunum gátu íslenskir áhorfendur notið kántrítónleikana A Country Night in Nashville og sýningarinnar Mania: The ABBA Tribute. Í september á síðasta ári kom fyrirtækið með Emilio Santoro sem Elvis í fyrsta skipti til Íslands í kjölfarið á sigri hans í The Ultimate Elvis Tribute Contest 2024. Allir þessir viðburðir hafa fengið mikið lof íslenskra áhorfenda.
James Cundall, eigandi Jamboree Entertainment, segir að fyrirtækið vilji setja sér það markmið að koma með alþjóðlega tónlistarviðburði í hæsta gæðaflokki til Íslands og er spenntur að undirbúa fleiri slíka viðburði í Hörpu á næsta ári sem verða kynntir á næstu mánuðum.
