Erlendir slúðurmiðlar eru fullir af fréttum um Gwyneth Paltrow en um þessar mundir er að koma út ævisaga hennar þar sem ýmislegt er látið flakka. Þar er meðal annars fjallað um samband hennar og stórstjörnunnar Brad Pitt en þau áttu í ástarsambandi á árunum 1995 – 1997.

Forsaga málsins er sú að árið 1994 stóð Paltrow til boða að leika í tveimur kvikmyndum, í annarri var Keanu Reeves aðalstjarnan en Brad Pitt í hinni. Paltrow var tvístígandi og leitaði til vinkonu sinnar sem spurði einfaldlega með hvorum hún gæti hugsað sér að fara á stefnumót með. Gwyneth valdi Brad og samþykkti í kjölfarið hlutverk í stórmyndinni Se7ven.

Pitt, sem þá var orðin heimsfræg kvikmyndastjarna, var vanur að enda í ástarsamböndum með mótleikkonum sínum. Gwyneth og hann smullu enda strax saman og voru slúðurmiðlar fullir af fréttum af daðri þeirra á tökustað.

Sá sem var ánægðastur með þetta var faðir Gwyneth, Bruce Paltrow, sem mætti á tökustað og ærðist af fögnuði yfir nýja kærastanum. „Getið þið ímyndað ykkur? Þetta er helvítis Brad Pitt,“ á hann að hafa hrópað að kunningjum sínum á tökustað.

Ástin blómstraði eftir tökur myndarinnar en fljótlega fór að koma í ljós að Brad og Gwyneth áttu fátt sameiginlegt.

Gwyneth hafði alist upp í frægð og forréttindum þar sem áherslan var á menntun og ákveðna fágun. Hún lék í grískum harmleikjum sem barn og þekkti vel blæbrigði mismunandi tegunda af kavíar.  Brad ólst hins vegar upp í fábrotnu verkamannaheimili og hafði var um tíma í vinnu sem „kjúklingur“ fyrir El Pollo Loco-keðjuna.

En þrátt fyrir ákveðna bresti í sambandinu gekk það talsvert áfram og að endingu bað Brad leikkonuna um að giftast sér. Hún sagði já en innan við ári síðar var sambandinu lokið.

Í áðurnefndri bók kemur fram að Gwynethhafi alltaf talað vel um Brad opinberlega og sagt í raun að hún hafi klúðrað sambandi þeirra. Hún hafi í raun verið of ung og ekki alveg tilbúin til að festa ráð sitt.

Í bókinni kemur hins vegar fram kannski raunverulega ástæða sú að leikkonan gafst upp á hinum myndarlega stórleikara. „Hann er nautheimskur,“ á Gwyneth að hafa sagt í vitna viðurvist í kvöldverðaboði hjá Aerin Lauder, erfingja Estée Lauder, nokkrum árum eftir að sambandinu lauk.