Götubitahátíðin 2025: European Street Food Awards fer fram helgina 18.-20. júlí.
Á hátíðinni verða hátt í 40 söluaðilar í matarvögnum og sölubásum, bjórvagninn, náttúruvínbar frá Berjamó og Allsber kokteill-vagninn. Einnig verða hoppukastalar og leiktæki fyrir yngri kynslóðina.
Samhliða hátíðinni fer fram keppni um Besti Götubiti Íslands 2025 en það er einvalalið dómnefndar sem sker úr um verðlaunahafa. Dómnefndina í ár skipa: Hrefna Sætran frá Fiskmarkaðinum, Snædís Xyza Mae Jónsdóttir þjálfari Kokkalandliðsins, Eyþór Mar frá Public House, Adam Karl TikTokari, og Óli Óla frá Brút. Að auki verða veitt verðlaun fyrir: besti smábitinn, besti grænmetisbitinn, besti sætibitinn og svo er það götubiti fóksins sem er valinn af gestum hátíðarinnar. Það verður útfært þannig að QR kóði er hjá viðeigandi vagni og þar getur fólk valið sinn uppáhalds götubita.
Sigurvegarinn Besti Götubiti Íslands vinnur sér þátttökurétt á lokakeppni European Street Food Awards sem fer fram í Þýskalandi í byrjun október.
Opnunartími hátíðarinnar er:
Föstudag: 17.00-20.00
Laugardag: 12.00 – 20.00
Sunnudag: 12.00 – 18.00
Frítt er inn á hátíðina.
Sjá nánar um hátíðina hér.
