Rute Cardoso eiginkona Diogo Jota heimsótti kapelluna í gær þar sem kistan með líki Diogo Jota, eðli málsins samkvæmt var hún niðurbrotin. Útför hans hefst síðar í dag.
Vinir og vandamenn heimsóttu kapelluna í gærkvöldi aðeins nokkrum klukkustundum eftir að Jota og bróðir hans Andre létu lífið í hræðilegu bílslysi.
Jota var 28 ára gamall en hann var keyptur til Liverpool árið 2020. Hann lék áður með Wolves áður en hann fór til Liverpool.
Hann gekk í það heilaga fyrir tveimur vikum og átti þrjú börn með eiginkonu sinni.
Fleiri hafa heimsótt kapelluna í dag en þar á meðal var Jorge Mendes umboðsmaður Jota. Þá hefur forsætisráðherra Portúgals heimsótt kapelluna og forseti Portúgals er væntanlegur.
„Við misstum tvo frábæra einstaklinga, Diogo var fyrirmynd sem persóna, eiginmaður, sonur og atvinnumaður. Ég trúi þessu ekki ennþá, þetta er mjög erfitt,“ sagði Mendes við fjölmiðla.
„Ég trúi þessu bara ekki, þetta er virkilega erfitt. Hann var magnaður eiginmaður.“
