Fyrrum hjónakornin Jennifer Lopez og Ben Affleck tóku nýlega 68 milljóna dala hús sitt í Beverly Hills í Los Angeles af sölu. Um er að ræða fjárhagslega ráðstöfun en enn hefur enginn kaupandi fundist að eigninni sem sett var á sölu í júní 2024.
„Þó þau hafi vonast til að selja eignina hafa þau einnig verið treg til að taka á sig stórt tap,“ sagði heimildarmaður úr fasteignabransanum við People á miðvikudag.
„Þau lækkuðu verðið til að fá meiri áhuga og þegar það gerðist ekki var þeim ráðlagt að taka húsið af sölu. Þetta var viðskiptaákvörðun sem þau tóku í sameiningu.“
Heimildamaðurinn sagði fasteignamarkaðinn erfiðan fyrir seljendur og sérstaklega þegar um væri að ræða svona dýrar eignir. „Að taka húsið af markaði þar til það er orðið seljandavænlegra virðist vera skynsamlegasta ákvörðunin.“
Lopez og Affleck reyndu að selja eignina úr skúffunni í júní 2024 áður en hún var sett á sölu í júlí sama ár. Þau lækkuðu verðið niður í 59,95 milljónir dala áður en þau tóku húsið formlega úr sölu.
Lopez sótti um skilnað frá Affleck í ágúst 2024 eftir tveggja ára hjónaband, þá höfðu þau búið sitt í hvoru lagi frá apríl sama ár. Skilnaður þeirra var endanlega staðfestur í janúar.
Affleck keypti sér hús í Pacific Palisades í júlí 2024 að verðmæti 20,5 milljóna dala. Húsið er nálægt heimili fyrrum eiginkonu hans, Jennifer Garner og þriggja barna þeirra. Í mars á þessu ári keypti Lopez sér hús í Los Angeles fyrir 18 milljóna dala.
