Bjarni Helgason, blaðamaður á Morgunblaðinu, skrifaði áhugaverðan pistil í blað gærdagsins, þar sem hann kom inn á markmiðasetningu íslenska kvennalandsliðsins fyrir komandi Evrópumót.

Ísland hefur leik í dag gegn Finnlandi, en um er að ræða fyrsta leik mótsins. Finnar eru á pappír slakasta lið riðilsins, en í riðli Íslands eru einnig Sviss og Noregur.

Íslenska liðið og þjálfarinn Þorsteinn Halldórsson hefur ekki farið leynt með það að liðið ætli sér upp úr þessum riðli og því fagnar Bjarni.

„Ég er ánægður með mark­miðasetn­ing­una hjá ís­lenska liðinu á þessu stór­móti. Liðið ætl­ar sér að kom­ast áfram,“ skrifaði hann meðal annars í pistli sínum.

„Það er miklu skemmti­legra mark­mið en að vinna leik, sem var yf­ir­lýst mark­mið fyr­ir mótið á Englandi. Það var ein­hver lúsera­brag­ur yfir því mark­miði,“ skrifaði hann enn fremur og á við EM 2022, þar sem Ísland gerði þrjú jafntefli og fór ekki upp úr riðlinum.

„Við erum með leik­manna­hóp­inn til þess að fara upp úr þess­um riðli og við eig­um að gera það, annað væri í raun skandall.“