Ian Graham fyrrum stjórnarmaður hjá Liverpool segir að Jurgen Klopp hafi fengið að velja það að kaupa Darwin Nunez frekar en Alexander Isak sumarið 2022.

Klopp hafði þá staðið sig frábærlega í starfi á Anfield og var komin með mikil völd, það var hans að velja.

Nú er Liverpool að reyna að selja Nunez eftir erfiða dvöl á Anfield og er Isak mikið orðaður við liðið.

Isak hefur raðað inn mörkum fyrir Newcastle og kostar meira en 100 milljónir punda, hann var áður hjá Real Sociedad.

„Jurgen hafði búið til árangur og með því komu völdin hans,“ segir Graham.

„Hann valdi á milli Nunez og Isak og valdi það að fá Nunez. Báðir voru ungir framherjar að gera vel í Evrópu, Erling Haaland var að fara til City og við höfðum ekki efni á því.“

„Jurgen vildi Nunez, ég get ekki skammað Jurgen fyrir það því oftar en ekki hafði hann rétt fyrir sér í svona málin.“